HPC(D) nia inchhála mi vautu Mizoram Police-in an hre tawh

November 5, 2023-a HPC(D) nia inchhála Khawlian leh NE Tlangnuam VC president leh political party hruaitute vautu chu Mizoram police-te'n an hre tawh.

Vanglaini thu dawn danin, HPC(D) nia inchhál hian mobile phone hmangin Khawlian leh NE Tlangnuam VCP leh political party hruaitute a vau a ni. Mi vautu hi tu nge a nih hriat a ni tawh a, Assam-ah awmin, a awmna hmun pawh hriat a ni tawh. State páwna awm a nih avangin man nghal mai theih a ni lo a, man a nih theih nan a ṭul anga hmalak mek a ni.

Central YMA chuan invauna awm chung­changah hian thuchhuah siamin, "Ṭha kan ti loin kan ngai thutak hle a ni," an ti a; Zo hnahthlakte inpumkhatna tichhe zawnga chêtna tun hnuah thleng tawh lo se an duh tak zet tih an tarlang.

CYMA chuan, mipui himna tiderthâwnga khawtlang hruaitute vau leh rîkrâptute chu a rang thei ang bera zawng chhuak a, an phû ang hremna pe turin Mizoram sorkar an ngen a ni.