Champhai Zote leh Zokhawtharah meth, heroin leh pawisa man

Assam Rifles sipaite leh an thawhpuite chuan November 10, 2023 khan Champhai district-ah methamphetamine leh heroin tam tham tak bakah pawisa cheng nuai 121 an man.

AR sipaite leh Champhai police-te chuan an thu dawn bawhzuiin, Champhai Zote-ah Myanmar lam mi pathum - Thangkhankima (20) leh kum 15 mi pahnih, Bukphir khaw mite vek hnen aṭangin dan loa tawlh rûk nia hriat pawisa cheng nuai 121 an man. Pawisa an mante chu Rs 500 note 23,979, Rs 200 note 518, Rs 100 note 651 leh Rs 50 note pathum a ni a; a vaiin Rs 1,21,58,350 a ni.

Assam Rifles leh Zokhawthar police-te chuan Vanlallia, Khawmawi, Myanmar hnen aṭangin Zokhawtharah heroin (no. 4) gram 2,577 an man bawk a, international market-ah Rs 18,03,90,000 hû a ni.

November 10, 2023 vek khan AR leh Zokhawthar police-te chuan Zokhawtharah mi pakhat hnen aṭangin methamphetamine kg. 15.915 an man bawk a, dan anga bawhzui turin Zokhawthar police-in an hréng zui. Meth an man hi international market-ah Rs 42,00,00,000 hû a ni.