Mizoram inthlanpui 2013, 2018 leh 2023-ah Kum 2013 inthlanpuiah vote a tla ṭha ber

Kum 2013 leh 2023 inkara Mizoram Assembly inthlanpui pathumah kum 2013 khan vote a tla ṭha ber a, kum 2018 khan vote a tla ṭha lo ber thung.

Electronic voting machine (EVM) bika vote tla zat tarlanah, kum 2013 inthlanpuiah khan vote 81.29% a tla a, kum 2018 khan tlahniamin, 80.47% a tla a, kumin 2023-ah sang leh hretin, 80.66% a tla a ni.

EVM leh postal ballot-a vote tlate belh khawmah pawh kum 2013 khan vote tla ṭha berin, 83.41% a tla a, kum 2018 khan 81.61% a tla thung. Kumin 2023-ah chuan November 6, 2023 thlenga postal ballot-a vote tla zat chhinchhiahte leh EVM-a vote tla zat chu 82.43% a ni.