I-Day ah chawimawina hlan a ni

August 15-a Aizawla Independence Day lawmnaah chawimawina leh lawmman chi hrang hrang puan a nih bakah, sem a ni a; a dawngtute hnenah chief minister Zoramthanga'n a hlân.

Police thawk ṭha national award dawng tur mi pahnih puan a ni a; President's Medal for Distinguished Service dawng turin Fire & Emergency Services director C Lalthanmawia thlan niin, Police Medal for Meritorius Service dawng turin Aizawl SP C Lalruaia leh Police Training School-a inspector Lalṭhakima te thlan an ni.

Chief Minister’s Excellence Award in Public Administration, 2020 sem niin, Organization category-ah Siaha DC Office hnenah an hmalakna 'Kawng kawhhmuhtu - Our children, our future' vangin hlan a ni a; AMC hnenah online building plan approval system vangin hlan a ni thung.

CM Excellence Award in Public Administration hi Team category-ah Ajiveeka Grameen Express Yojana hmalakna an kalpui ṭhat avangin MZSRLM CEO H Lalchhandami, Transport director Lalrammawia leh joint director C Lalbiakthanga leh, state mission manager Dr F Laldinthara te hnenah hlan a ni.

Individual category-ah Shashanka Ala, IAS hnenah Lawngtlai DC a nih laia 'Kan sikul, kan huan - My school, my farm' hmalakna avangin hlan a ni a; Phullen BDO Lalrinawma Khiangte hnenah hlan a ni bawk.

1.    Mizoram State Teachers’ Award, 2020

    i) Vanlalhliri Sailo, Headmistress, Hnahthial H/S

    ii) Malsawma Sailo, Headmaster, Garden M/S, Rahsi Veng, Lunglei

    iii) R Lalpianthanga, Teacher, Chawnpui P/S, Aizawl

2.    Jeevan Raksha Padak award

    1) Sarvottam Jeevan Rakhsha Padak -

    Lalrempuia (L), Vanbawng (April 5, 2019-a a fapa tuitla a chhannaah a thih phah)

    2) Uttam Jeevan Raksha Padak -

    C Lianhawla, Tuidam (May 15, 2019-a chem nena savawm beitu)

    3) Jeevan Raksha Padak -

    Lalawmpuia, North Serzawl (June 26, 2019-a an in kânga mi paruk chhanhimtu)

3.    President's Police Medal for Distinguished Service

    LR Dingliana Sailo, IPS, CID (Crime)

4.    Police Medal for Meritorious Service

    i) Laldawngliana, Secretary, Printing & Stationery

    ii) Lalṭhafamkima Jongte, AIG (Operations)

    iii) SI Lalmanliana, Siaha DEF

5.    Governor’s Gold Medal

    i) Lalthanpuii, SI, Aizawl DEF

    ii) PC Lalṭanpuia, ASI, Aizawl DEF

    iii) Zonunthara, Fireman, Bawngkawn Fire Station

6.    Governor’s Silver medal

    i) K Lalrinpuia, SI, Aizawl DEF

    ii) Hav. Ralngamthanga, 2nd Bn. MAP

    iii) Const. Lalthlamuana, Traffic unit