ZPM hi mipui rin ber a ni - Duhoma

Zo Peoples' Move­ment Legislature Party (ZLP) leader Lalduhoma chuan, Zoram Peoples' Movement (ZPM) party chu Zoram mipui rin ber, sorkarna siam tura mite nghahhlelh ber a nih thu a sawi.

Lalduhoma hian August 14, 2020 khan Hual­tu khuaa ZPM zawm thar lawm luhna in­khawmah thu sawiin, "ZPM hi Zoram mipui rin ber party, sorkarna siam tura mite nghahhlelh ber a ni. 'Zoram politics-ah Pathian ram lo thleng rawh se' ti tlattu a ni. Hemi tur hian mipui pawhin theihtawp i chhuah ang u," a ti a; thawhpuiah mipui a sáwm.

Kut hnathawktute leh ṭhalaite khai chhuah chu an rilru ber a nih thu sawiin Lalduhoma chuan, "Hemi atan hian ruahmannna pawh kan nei ṭha tâwk. Ṭhalai, mahni inhai kaw tura theihna, thiamna, taimakna leh tumruhna tak tak neite tana hmalakpui turin bána kaih (hand holding) policy kan nei a ni," a ti a; sorkarna an chan phawt chuan ṭhalaite tan theihtawp an chhuah tur thu a sawi.