Births & Deaths chungchang sawiho

Mamit District Coor­dination Committee on Civil Registration System of Births & Deaths chu an chairman VL Remliana, bawrhsap hoin nimin khan DC conference hall-ah an ṭhukhawm.

Ṭhutkhawmah hian, Delay Registration Form man Rs 50 chu inang tlânga hman a nih theih nan state level committee-ah thlen ni se an ti a; Births & Deaths certificate pek chhuah nawnna man, district DRO insenso phuhrûk nana hman theih/phal ni se tia rawtna chu state level committee nen ṭangkawpin Finance department lamah thlen dan ngaihtuah ni se, an ti.

Pian ní chhinchhiah dik lohte siamṭhatna dan RBD Act Section 50-in a tarlan angin state sorkarin siamṭhat theihna dan a neih theih nan department-in hma la se, chumi dan zûlzui chuan CRS Ordi lamah sofware update tura hmalak rawtna thlen ni se, an ti bawk.