Covid-19 dan bawhchhia 6,363 man tawh
Nimin chawhma dar 9 thleng khan The Mizoram (Containment and Prevention of Covid-19) Ordinance, 2020 bawhchhia mi 6,363 an ni tawh a, an sum chawi zat belhkhawm chu Rs. 14,10,800 a tling. He dan hi May 4, 2020-a hman ṭan a ni.
May 26, Thawhlehni zing dar 9 leh nimin zing dar 9 inkarah Mizoram pumah Covid-19 Ordinance bawhchhia mi 196 man niin, chu'ngte chu police man mi 181 leh local task force man mi 15 an ni a; an sum chawi belhkhawm chu Rs. 50,700 a ni. Local task force-in an mante chu vantlang hmuna hmai tuam lo vek an ni a, task force-te'n dan bung dang bawhchhia man an nei lo.
Thawhlehni zing dar 9 leh nimin zing dar 9 inkarah hian vantlang hmuna hmai tuam lo mi 158 man niin, chu'ng te chu police man mi 143 leh local task force man mi 15 an ni a, an sum chawi zat chu 15,800 a ni. Social distancing zâwm lo an man mi pathumte Rs. 600 chawitir an ni a, vantlang hmuna chil chhâk mi pakhat manin, Rs. 300 chawitir a ni. Dan dang (central & state guidelines) bawhchhia mi 34 an mante chu Rs. 34,000 chawitir an ni bawk.