Electoral roll ennawn chungchang sawiho

Aizawl DC Kannan Gopinathan hoin nimin khan a pisaah Aizawl district chhunga khaw 25-a village council inthlan neih tur atana electoral roll ennawn (summary revision) chung-chang sawiho a ni.

Meeting-ah hian, draft roll-a chuang mekte khaw danga insawn dilna leh an chanchin dik lo siamṭhat dilna thehluh theih a nih thu an tarlang a; Mizorama cheng nghet Gorkha-te leh an thlahte tiam loin draft roll-a non-tribal hming chuangte leh mi tu pawh, January 2016 thlenga V/C consti-tuency-a ni 180 la awm tling lote chu paih tur an nih thu an tarlang bawk.

Roll ennawnnaah hian, Mizoram State Elec-tion Commission thupek angin draft electoral roll-a hming chuang sa sawn (transfer) tih loh chu hming thun luh thar loh tur a ni.

Ruahman dan chuan, nimin kha draft roll târ chhuah hun a ni a, March 22-28 chhung-in dilna leh sawiselna thehluh tur niin, final elec-toral roll chu April 8, 2016-ah târ chhuah a ni ang.