Police hmun pangaah zu zuar

Home minister R Lalzirliana chuan MNF member Lalruatkima zawhna chhangin, police zinga zu in mite'n zu ṭha an in theihna atan battalion hmunah zu zawrh a ni thu House a hrilh.

R Lalzirliana sawi danin, 1st Bn. MAP-ah zu dawr hawn a ni a, anni chiah hi police battalion zinga zu zawrh phalna licence nei an ni. 1st. MAP zu dawr aṭangin 2nd MAP, 1st IR Bn., 2nd IR Bn., 4th IR Bn. leh 5th IR Bn. ten an mamawh tâwk angin an la chhhawng ṭhin a; zu chu police, zu permit neite hnenah sorkar rate angin an hralh ṭhin.

Lalruatkima chuan, phalna nei loin battalion pangain zu an zawrh thu a sawi chungchangah Home Minister chuan, "Mualphonaah kan ngai lo. Zu an in tho si a, zu ṭha
an in ve theihna turin zawrh ṭha kan ti. Sipai zawng zawng pawhin an hmunah zu an zuar vek a, MAP leh IR an nih avangin eng vangin nge an zawrh lo bik ang," a ti.

R Lalzirliana sawi danin, zu zawrhna hlêpte chu Police Welfare Fund-ah dah ṭhin a ni a, tun dinhmunah cheng nuai 15.5 an hmu chhuak tawh a ni.