MRP aia toa zawrhte man

Legal Metrology enforcement leh Serchhip District Consumer Association chuan May 26, Thawhlehni khan thu an dawn bawhzuiin, Chhingchhipa dàwr ṭhenkhat an endik a, a man pangngai - maximum retail price (MRP) aia toa thil zuarte an man.

Chhingchhipa MRP aia toa thil zawrhte chu Legal Metrology thawktute chuan dan anga bawhzui a nih theih nan an mansak a ni. Serchhip District Consumer Association hian tun hnai khan thuchhuah siamin, Serchhip district chhungah MRP aia sanga thil zuar lo turin sumdawngte ngenna an lo tichhuak tawh a; MRP aia toa thil zuar an hriat emaw, thu dawn emaw an neihchuan an bawhzui zel dawn tih an tarlang.