Minister-in ramri véngtute a tlawh

Minister of state Robert Romawia Royte chuan May 26, Thawhlehni khan Co­vid-19 vanga Tripura leh Assam ramri vengtu task force leh police duty-te a tlawh a, 

ṭanpuina chi hrang hrang a pe.

Robert Romawia Royte chuan, Mamit district chu sorkar laipuiin district dâwmkân ngai bik - Aspira-tional District leh Mino­rity Concentration Area-ah a puan thu sawiin, "Tun hma zawng khan he district hian a phû tâwk angin hmasawnna a hmu tâwk lo a, sorkar thar­ah erawh chuan chak takin sorkarin hmasawnna hna a thawk 

ṭan mek a ni," a ti.

Minister hian Tripura leh Assam ramri vénga hmun hrang hranga duty-te tlawhin, "Mizo tlawmngaihna nena duty-te sorkarin a fak a, a chhuang tak zet che u. Political party tinte pawhin Covid-19 vanga harsatna hi politics-a inchirhtheh nana hmang loin, sorkar, NGO leh kohhrante ṭan rualna áng chhûngah hian infin­chhuaha ṭanho zawk hi hnam hmangaihna lantirtu a ni zawk," a ti a; Mizo mipui ṭan rualna lawmawm a tih thu a sawi.

Robert Romawia hian IR police duty-te chu hrûkpuan a pe ṭheuh a, hmun hrang hranga task force duty-te chu an infiamna tur chess board leh draught board a pek bakah, Taitesena leh Langkaih group YMA hnenah Rs. 50,000 ve ve leh Covid-19 dona hmanrua eng emaw zat a pe.

Minister hian tun hnaia rialin in eng emaw zat a den chhiatna Rengdil leh Zamuang khua a tlawh bawk a, Mizoram sorkarin rangva a sem turte a endik bakah, amah ṭawiawmtu H Lalzir­liana, MLA nen 

ṭanpuina an pe a ni.