Myanmar inkahnaa hliamte Central YMA-in an kan

Central YMA hruaitute chuan tunlaia Myanmar ram chhung, Khawmawi leh Rihkhawdara Myanmar sipai leh PDF inkahna vanga Zo hnahthlak hliam, Aizawla enkawl mekte chu nimin khan an kan.

CYMA hruaitute sawi danin, Aizawla enkawl mek hliam tuarte chu mi pariat an ni a, Rs 5,000 ṭheuhin an kan. Hliam zinga pathum chu Trinity Hospital-ah enkawl an ni a, panga chu Ebenezer Medical Center-ah enkawl an ni.

Myanmar sipai leh PDF inkahna-a hliam tuar ṭhenkhat erawh an dinhmun a ziaawm deuh avangin Champhai District Hospital-ah enkawl an ni a, a na zual deuhte Aizawlah enkawl an ni.