Kum 2024-25 budget atan Finance dept.-in hma an la ṭan

Sorkar kum 2024-25 atana sum ruahmanna (budget) siam turin Finance department chuan hma an la ṭan a, department tina budget buaipuitute hriat tur nimin khan an tichhuak.

Finance department chuan, department-in kum 2024-25 atana budget proposal an neihte chu December 15, 2023 hmaa thehluh tur a nih thu an tarlang a, "Hun tiam chhunga submit hman lo an awm a nih chuan Finance department-in kum 2023-24 budget estimate angin ruahmanna a siamsak ang," an ti.

FINANCE DEPARTMENT TARLAN

▶ Medical treatment atan mi pakhatah Rs 15,000 ang zela chhût tur.

▶ Kum 2024-25 budget estimate chu Mizoram sorkar sum dinhmun hre chungin a tlem thei anga ruahman tur.

▶ State budget páwn aṭanga hmuh CSS, etc. chu sorkar laipui aṭanga hmuh beisei aṭanga chhût tur.

▶ Project thar kalpui tur thehluh theih a ni rih lo.