Lok Sabha MP-in TNT hmun a tlawh

Lok Sabha MP C Lalrosanga chuan nimin khan Muanna Venga Thutak Nunpuitu Team (TNT) hmun a tlawh a; TNT Kalvari Hospital De Addiction Centre tihlen dan ngaihtuahpui a tum thu a sawi.

C Lalrosanga chuan, TNT hmunpuia awmte enkawl dan leh enkawltute inpekna leh hnathawhte ropui a tih thu a sawi a, "Pathian rin chhana rinna tak tak nena mi 1,800 lai harsatna leh mamawh chi hrang hrang nei in enkawl dan hi a fakawm tak zet a ni," a ti.

TNT-a inenkawlna in leh hmunhmate chu a chêp tawh avangin a theih ang tâwka ṭanpui a tum thu C Lalrosanga chuan a sawi a; TNT Kalvari Hospital De Addiction Centre tihlen dan ngaihtuahpui a tum thu a sawi bakah, kumin Krismas leh kumthar inkarah 'Prayer for Myanmar' pawl hmingin TNT puala chhawmdawlna programme buatsaih an tum thu a sawi bawk.