Scho' pe turin sorkar phût

ZPM Ṭhalai chuan thu­chhuah siamin, Mizoram zirlaite scholarship tur cheng nuai 1,875 sorkar laipuiin September 25, 2023-a a rawn pek tawh tun thlenga zirlaite hnen a la thleng lo chu pawi an tih thu an tarlang a, rang taka pe turin thuneitute an phût.

ZPM ṭhalaite chuan, zirlaite'n a hun takah scho­larship an lak theih nan hma an la ṭhin a, thuneitute pawh an hmu tawh ṭhin tih sawiin, "Zirlaite sum hup beh a ni hi zirna ngaihthahna lian takah kan ngai... Zirlaite'n an chanpual an chan theihna tura zirlaite hmalakna hi kan thláwp tlat a, a rang thei ang bera zirlaite account-a scholarship thun turin thuneitute kan phût tlat a ni," an ti.