Indian Science Congress-ah Mizo tel

India rama science inkhawmpui lian leh hlun ber, Indian Science Congress vawi 107-na chu University of Agri­­cultural Sciences, Bangalore-ah neih mek a ni a, Mizoram aṭangin zir­lai pahnih leh anmahni kaihruaitu mi pahnih an tel.

Indian Science Cong­ress-ah hian state leh union territory tin aṭangin zirlai pahnih ṭheuh an tel a; Mizoram aṭang chuan R Lalnuntluangi, St. Paul's HSS-a pawl 11 zirlai leh TC Vanlalmalsawma, Holy Faith School, Lung­leia pawl sarih zirlai an tel a, anni hi MISTIC-a scientific officer Joel Lalbiakkima leh Kids Care School-a zirtirtu Lalrin­puii ten an hruai a ni.

Prime minister Naren­dra Modi chuan Science Congress hi January 3, 2019 khan a hawng a, January 7-ah khar a ni dawn a, a khârna inkhawm chu vice president M Venkaiah Naidu-a'n a hmanpui ang.

Science Teachers Asso­ciation of Mizoram (STAM)  chuan Children Science Congress tel tur thlanna hi district level aṭanga ṭanin a buatsaih ṭhin a, district tin aṭanga ti ṭhaten state level inelna an nei leh a, state level-a ti ṭhate chu Mizoram aiawhin an kal ṭhin.