Pi Vaili vui liam a ni

Mizorama sap missionary awm rei ber Rev. Violet Louise Anne Mark (Pi Vaili), November 13, 2023 zinga thi chu nimin khan an chenna Lorraine Ville, Saikao (Serkawr)-ah vui a ni a, mi ṭhahnem takin an thlah liam.

Mara rama missionary hmasa ber Rev. RA Lorraine tunu Pi Vaili hi November 13-a a thih hnuah a duh apiangin an tlawh theih nan ni hnih chhung Saikao-a an chenna, Lorraine Ville-ah dah a ni a, mi ṭhahnem takin an tlawh a ni.

Nimin chhun khan an chenna hmunah vui a ni a, Evangelical Church of Maraland (ECM) Assembly moderator Rev. Phosa Chozah-in a vui. MADC chief executive member M Laikaw leh páwl hrang hrang aiawhte'n thu an sawi a, ECM Assembly Choir bakah zaipawl dangte'n hla an rem bawk.