Pandal chima thi rál

Mizoram Ṭhalai Kristian Pawl (MṬKP) leh MṬKP Inkhawmpui 2016 Organising Committee, Lawngtlaite chuan KṬP General Conference neihna pandal ṭhiah laia chim vanga thi, C Vanmawia, Champhai Kanan Veng ràl nan Rs. 5,000 ve ve an hlan.

MṬKP-in an ràlna sum hi nimin khan MṬKP Executive Committee member Dr JV Nunchunga'n Champhaiah a hlan a, Inkhawmpui Organising Committee-in an ràlna chu MṬKP Executive Committee member Elvis Lalthangzuala'n a hlan thung.

MṬKP Inkhawmpui 2016 Organising Committee chuan Central KṬP hnenah lehkha thawnin, KṬP General Conference neihna pandal chim leh chumi vanga mi pakhatin nunna a chán leh hliam an awm chu pawi an tih thu an ziak a; CKṬP hruaitu te, Conference Organising Committee te, hliamte leh mitthi chhungte an ṭawngṭaisak thu an hrilh a ni.