Sairang Dintharah phûl lem phah dawn NEC hnuaiah hmun rukah hna thawk

Sports minister Zodintluanga chuan MNF member K Sangṭhuama zawhna chhangin, Sairang Dinthara football khelmual awmsaah phul lem phah tura hmalak mek a nih thu House a hrilh. Hetih lai hian, NEC hnuaia Sports Infrastructure Development Project hmun parukah thawh mek a ni.

Sairang Dinthar mipuiin phal takin sorkar hnenah ram an pek thu sawiin Zodintluanga chuan, "A ngaihna an hriat avangin MFA hnenah ram hi sorkarin a pe a ni. Artificial turf phah tur hian FIFA official pawhin Thawhṭanni khan khelmual hi a endik tawh," a ti a; FIFA hmalaknain Sairang Dintharah football academy din tum a nih thu a sawi.

Sports Minister chuan, MFA leh sorkar thawhhona a ṭha tih sawiin, "MFA-te an ṭang em em a, Mizo
ṭhalaite India ram mai ni lo, khawvelah an lang chho mek a ni," a ti.

MNF member Lalruatkima zawhna chhangin Sports Minister chuan, NEC hnuaiah hmun parukah Sports Infrastructure Development Project thawh mek a nih thu House a hrilh.

NEC hnuaia hna thawhte chu - Lengpuia Mini Sports Complex, Phulpuia Sports Centre, Muallungthua Multi Sports Centre, Hachhek biala Sports Infrastructure Development, Aizawl Electric Venga indoor dtadium leh Darlawna Multipurpose Sports Centre-te a ni.