26 - Serchhip constituency A ruak tih ECI-ah thlen tawh

Mizorama Election department chuan MLA aṭangin Serchhip bialtu MLA Lalduhoma bàn a nih avangin 26 - Serchhip constituency a ruak tih Elec­tion Commission of India (ECI)-ah an thlen tawh.

Vanglaini palai zawh­na chhangin joint chief electoral officer (CEO) David L Pachuau chuan, Assembly Secretariat-in Serchhip constituency a ruak tih a puan tawh thu ECI-ah an thlen tawh tih a sawi a, "ECI aṭang hian chhànna kan la dawng lo," a ti.

Joint CEO chuan, kum 2021 tìr lamah state pahnih inthlang tur an awm avangin chumi rual chuan ECI-in Serchhip bialah by-election buat­saih tura a tih an rin deuh thu a sawi.

David L Pachuau chuan, by-election neih a nih dawn avangin Serchhip bial bik tan electoral roll ennawn kher a ngai dawn lo tih a sawi a, "Tunah hian electoral roll revision neih mek a ni a, January 20, 2020-ah tàr chhuah a ni dawn. Hei hi by-election-ah hman theih a ni ang," a ti.