Mihringa sumdawnna do dan zirho

Mizoram Police leh Shakti Vahini ṭangkawp chuan, nimin khan Aijal Club-ah mihringa sumdawnna dona (anti human trafficking) chungchang zirhona an buatsaih a, DGP Thianghlima Pachuau-in a hmanpui.

Thianghlima Pachuau chuan, human trafficking chu Mizote'n an la hriatthiam tâwk loh avangin an ngaihthah ṭhin nia sawiin, "Tunah erawh chuan kan
ṭhangharh ta a, mipuite pawh kan fimkhur zel a ṭul. Police officer-te'n human trafficking tuartute hi thil tisualtu ang maia dawnsawn loh tur a ni," a ti a; a tuartute nihna leh chanchinte puangzar loin, nun thara an nun leh theih nan ṭanpuitu ni turin a chah.

Training hi DIG (Training) C Laldina'n a kaihruai a, police ASI aṭanga deputy SP inkar mi 50 an tel a; Shakti Vahini lam mithiamte'n thil pawimawhte an zirtir a ni. Shakti Vahini hi mihringa sumdawnna dotu pawl, Delhi-a hmunpui nei an ni.