Employment exchange-ah Mi 36,929 an inziaklut

Labour, Employment & Industrial Training (LEIT) minister Lalrinmawia Ralte chuan, MNF member Lalrinawma zawhna chhangin, Mizoram puma Employment Exchange-ah hna zawng mek inziak lut mi 36,929 an awm thu House a hrilh.

Lalrinmawia Ralte chuan, Employment Exchange kaltlang loa hna lak a awm an hriat loh thu sawiin, "District lam pawh kan be kual a, Employment Exchange kaltlang loa hna lak an hre lo. Keini chuan Employment Exchange kaltlanga hna lak chiah kan chhinchhiah a, a kaltlang lo chu hriat a har khawp mai," a ti.

March 16, 2016 thlenga employment exchange-a inziak lut dan - Aizawl, Mamit leh Kola-sibah mi 19,528, Champhaiah mi 5362, Saiha leh Lawngtlaiah mi 7967 leh Lungleiah mi 4072 an ni.