Sorkar kum kal mekah Job card 1,88,676 a awm

MNF member Lalruatkima zawhna ziaka chhangin Rural Deve-lop-ment minister R Lalzirliana chuan, NMGNREGA hnuaiah kum 2015-2016 ah job card nei 1,88,676 an awm thu a tarlang.

R Lalzirliana tarlan danin, tun dinhmunah chuan MNREGA hnuaia material component chu MGNREGA Act 2005 in a phal ang leh SEGC-in a rel tawh angin, VEC, BDO leh DRDA ten an thawk ṭhin.

Job card nei hi kum 2011-2012 ah 1,78,173, kum 2012-2013 ah 1,81,735, 2013-2014 ah 1,78,367, 2014-2015 ah 1,85,929 leh 2015-2016 ah 1,88,676 an awm a ni.

INC member PC Zoram Sangliana zawhna ziaka chhangin RD Minister chuan MGNREGA hnuaia hnate chu kumtin khua/veng tinah August 15 aia tlai loah Gram Sabha-in action plan a siam ṭhin a, mipuiten an area ṭheuha hnathawh tur permissible work chhunga mi an thlang chhuak ṭhin.

IWMP hnuaia hnate chu DPR mila siam a ni a, DPR hi sorkar pawmpui a ni. Sum hmuh a nih velah DPR milin action plan siam a ni a, Watershed Committee hruaitute nen a theih anga in rawn leh thawk hoin, action plan siam chu bawhzui ṭhin a ni.