Sairang rêl kawng siam mekah Zangnadawmna thubuai a awm

Transport minister John Rotluangliana chuan, Bai-rabi leh Sairang inkara rél kawng siam meka ram lakah zángnadawmna thubuai a awm thu leh Supreme Court-in a ngaihtuah dawn thu House a hrilh.

INC member Dr Ngur-dingliana zawhna chhangin Transport Minister chuan, "Rel kawng turah hian zángna-dawmna beisei vanga High Court-a kal an awm a, Court chuan an phût anga pek turin thutlukna a siam. Zangnadawmna pek tur hi a san lutuk avangin Railways chu Supreme Court-ah an zualko leh a ni," a ti.

John Rotluangliana sawi danin, Railways hotute chuan High Court-in zangnadawmna pek tura a tih hi pe thei tho mah se, nakin zela Mizoram tan pawha ṭha loa an hriat avangin Supreme Court-ah an zualko a ni.

Railways hotute'n an sawi dan chuan, kum 2019-ah relin Sairang luh thlentir theih beisei a ni tih sawiin, John Rotluang-liana chuan, "Ministry of Railways hi Mizoram sorkar hnuai a nih loh avangin chiang takin a sawi theih loh," a ti.