Pawl sawntir lo sikul hrem turin ngen

MZP chuan thuchhuah siamin, Right to Education danin elementary zirlai zawng zawngte an pawl ngaia ṭhu lo a, pawl sawn vek tura a tih laiin, private school ṭhenkhatin an zirlaite pawl sang zawkah kaitir loin, an pawl ngaia awm nawntir an nei niin an sawi a; chutiang ti ṭhin sikulte chungah a ṭul anga thununna lekkawh a, a rang lama hma la turin thuneitute an ngen.

MZP chuan, an ngenna ngai pawimawha Mizoram sorkarin HSLC leh HSSLC exam laia electric current ṭha tak a pe chu lawmawm an tih thu an tarlang a, "Eng awm loin lehkha zir hun a tibuai tam lo niin kan hria a, zirlaite exam ngaih pawimawh vanga P&E department-in kawlphetha Rs. 50,66,788 man a lei belh vangin kan lawm hle a ni," an ti.

MZP chuan, Inrinni chawhnu lama Zodin-Treasury Square inkara motor thlantir loh tumna leh naupang infiamna hmun atana hman tumna awm chu ṭhaa an hriat loh thu an sawi a; khawpui lûn lai leh Aizawl tâwt tak, traffic jam tamna lai ni lo, hmun dang remchang leh fianrial zawk zawng turin thuneitute an ngen a ni.