Champhaia kawng kama inzuarte khuahkhirh dan tur sawiho

Champhai Town Vending Committee chu, nimin khan DC Vanlalngaihsaka hoin DC conference hall-ah Champhai khawpui chhung kawngpui kama inzuar ṭhinte puihna leh khuahkhirhna chung-chang ngaihtuahin an ṭhukhawm.

Vanlalngaihsaka chuan, kawng kama inzuar ṭhinte chu khawpuiin a ken tel ni mah se, khawpui tiṭawp leh tibâl zawnga an awm lohna tura ven a pawimawh thu sawiin, "An thil zawrhte a thianghlim zawk theih nana hmalak hi kan tih tur a ni," a ti.

Meeting-ah hian, UDPA department-in Champhai khawpui chhung tana Draft Street Vending Plan ruahmanna an siamte thlirho a ni a, inzawrh theihna slot 68 ruahman chhin a ni.

Street vending zone hrang hrangah vendor
ṭhu tur zat, an thil zawrh turte leh an ṭhut theih hun chhung turte rua-hmansak a ni a; street vendor-te licence fee leh renewal fee zat turte bithliah a nih bakah, dan bawhchhiate hremna turte ruahman a ni bawk.

Ruahmanna an siamte hi UDPA directorate-in a pawm chuan Champhai khawpui chhungah hman theih a ni ang.