Donation khawn titawp tura hmalak rel

Nimin khan Tlabung V/C House-ah Tlabunga khawtláng huap pawl hrang hrang leh V/C aiawhte an ṭhukhawm a; hmun dang aṭanga mimal leh páwl ṭhenkhatin ramri hungtute hnena ṭanpuina an khawn ṭhin tihtâwp a nih theih nan hmalâk an rél.

Inhmuhkhawmna hi Tlabung Prog-ressive Society bultuma neih niin, Tla--bunga V/C, YMA, MHIP, MZP, MSU leh political party hruaitute an tel a; Corporate Social Responsibility (CSR) behchhana hmun dang aṭanga mimal leh páwl ṭhenkhatin ramri hungtu company-te hnena ṭanpuina an khawn
ṭhin ṭha lo an tih thu sawiin, tihtawp dan tur ngaihtuah an tum a ni.

Khawthlangtuipui kânna tur inkal-pawhna lei tun thlenga dawh a la nih loh chungchangah, "Tlabung leh Serhuan in-kalpawhna tur lei dawh a la nih loh avangin lawng hmanga inkalpawh a ni a, marboat service a rintlâk loh fo avangin harsatna hrang hrang kan tawh phah a ni," an ti. Hemi chungchangah hian thuneitu sang zawkte dàwr an rél a ni.