Education Minister-in House-ah Sikul tan hun tihhma chhan sawifiah

School Education minister H Rohluna chuan MNF member Lalruatkima zawhna chhangin, sikul ṭan hun sawn hma chu kawng hrang hranga Mizo hnam nun siamṭhatna atana ruahman a nih thu House a hrilh.

H Rohluna chuan, sikul ṭan hun tihhma chu Aizawl khawpui tâwt lutuk tihziaawm nan emaw, traffic jam tihziaawmma atan emaw tih a ni lo tih a sawi a, "National Curriculum Framework-ah sikul ṭan hun chu sikul ho-tute thuneihna leh khawtlang inrêlbâwlna mila siam tur ni mah se, education hi concurrent list a ni a, state sorkarin ṭha bera a hriat angin a ti a ni," a ti.

School Education Minister chuan, sikul ṭan hun sawn hma chu ennawn tumna a awm rih lo tih sawiin, "A zir chiangtu tur State Level Study Group din a ni a, district thlenga zir chian mek a ni," a ti a; study group report
aṭang-in a ṭul a nih chuan sorkarin a la ngaihtuah tur thu a sawi.

MNF member Dr K Beichhua zawhna chhangin H Rohluna chuan, Mizorama zirna siam ṭha tura Edu-cation Reform Commission rawtna chu a theih chen chenah tih--hlawh-tlin mek a nih thu House a hrilh.

Minister Rohluna sawi danin, Education Reform Commission rawtna hi hman theiha peihfel a ni tawh a, mahse sum lama har-sat-na a awm avangin a zavaia tihhlawhtlin theih a la ni lo.