Cable TV Digitization sawiho

Kolasib district-a khawpui huam chhung khaw pali Kolasib, Bairabi, Vairengte leh Kawnpuia cable TV, analogue atanga digital signal-a thlakna, Cable TV Digitization kalpui mek chungchangah Ningani khan Kolasib DC H Lalengmawia leh cable TV operator-te an ṭhukhawm a; hmasawnna leh harsatnate an sawiho.

H Lalengmawia chuan, Cable TV Digitization-ah state sorkarin thuneihna a nei lo a, tunah analogue signal kaltlanga TV channel la en theih chu sorkar laipuiin a hriatthiamna vang chauh a nih thu a sawi a, "Analogue signal la kal hram hi a tâwp thut thei a, chuvangin mipui lam pawhin a rang lama set top box nei tura hma kan lak
ṭheuh a ngai," a ti.

Kolasib DC chuan Kolasib, Bairabi, Vairengte leh Kawnpuia cable operator-te chu set top box vuah kawngah chak taka hma la turin a hriattir a; set top box an pek chhuah dan chawlhkar tin nodal officer (Kolasib addl. DC) hnenah ziaka thehlut turin a hrilh bawk.