Mamit DC-in kawng Siam mek a enfiah

Mamit DC Lalbiaksangi, Mamita PWD hotute leh sorkar mi pawi-mawhte chuan March 23, 2016 khan National Highway-44A kawng sial meka zangnadawmna chungchanga harsatna neite a hmuna kalchilhin an enho.

Lalbiaksangi chuan, zangnadawmna dawng-tute zinga hriatthiam loh leh harsatna neite chu a hmunah kalin ram neitute nen enho a, harsatna chinfel dan tur an sawiho. DC chuan, kawngpui chu Mamit district leh a chhunga mipuite hma-sawnnana tur a nih avangin, chak taka hna thawh a nih theih nan hnathawktute
ṭha taka ṭawiawm turin ram neitute a ngen a ni.

NH-44A siamna atan hian November 12, 2007-ah Land Acquisition Act, 1894 Section 4 hmangin notification chhuah a ni a, zangnadawmna chu pek fel thawkhat niin, Gayatri Project Ltd., Hyderabad-in kawng sial hna an thawk mek a ni.

Mamit DC leh sor-kar official-te hian Dap-chhuaha Tut lei dawh mek an enfiah nghal bawk.