Complaint thehluttute chhuang

Mamit bialtu MLA H Lalzirliana leh Mamit district-a MNF hruaitute'n Tut luiah bomb hmanga sangha an man chungchangah Mamit DFO PC Lalchhandama leh social activist Vanramchhuangi te an pen chhuak chu an chhuan thu, ZPM Ṭhalai chuan 

an tarlang.

ZPM Ṭhalai chuan, "Mipui thlavâng hauh tura pên chhuakin, dan bawhchhetu man an nih theih nan Mamit Chief Judicial Magistrate leh Mamit Police Station-ah complaint an thehlut a; an hmalakna huaisenthlak tak avang hian Mamit DFO leh Pi Vanramchhuangi te hi kan chhuang tak zet a ni," an ti.

Rorelnaah diknain hmun changin, a lailum luah se, thliar bik nei lo se an duh thu leh, dan bawhchhetu chu MLA emaw, tu pawh ni se, dan dik tak hmanga an chunga rorelna lek turin thuneitute an phût thu an tarlang bawk.