YMA-in chhawmdàwlna pe

Central YMA chuan Myanmar aṭanga ráltlânte chhawmdawlna atan YMA Sub-Headquarters, Champhai hnenah Rs 2,00,000 an pe a, Lamka, Manipur-a relief camp paruka Zo hnathlakte tan buhfai ip 300 an pe bawk.

CYMA-in Myanmar raltlante tana sum a pek chhuah hi Champhai Sub-Hqrs YMA chuan November 18, Inrinni khan Zokhawthara râltlân awm mekte chhawmdawlna atan Vanhnuailiana Group YMA hruaitute an hlan chhâwng a; Rs 1,00,000 bakah, buhfai ip 55, alu ip hnih leh dailuah ip khat an hlan a ni.

Vanhnuailiana Group YMA hian Zokhawthar Branch YMA hnenah an hlanve leh nghal bawk.