Kum 2 chhungin Lunglei dist.-ah PMEGP loan mi 98 pek an ni

Kum hnih (2021-22 leh 2022-23) chhungin District Industries Centre (DIC), Lunglei district hnuaiah mi 98-te hnenah PMEGP loan pek chhuah a ni.

Mi 98-te project hlut zawng belhkhawm chu cheng nuai 881. 5 niin, hei hian mi 721 tan eizawnna a siamsak tura ngaih a ni. Kum 2021-2022 ah DIC kaltlangin mi 51 hnenah PMEGP pek chhuah a ni a, an project hlut zawng belhkhawm chu cheng nuai 345 niin, mi 331 te hnenah eizawnna siamsak tura ziahlan a ni.

Kum 2022-2023 mi 47 hnenah PMEGP loan hi pekchhuah niin, an project hlut zawng belh khawm chu cheng nuai 536. niin, mi 390 hnenah eizawnna siamsak thei tur anga chhut a ni.

Kum 2021-2022 a PMEGP loan la mi 51 te project belhkhawm cheng nuai 345 ah hian loan latute’n an project a pawisa an thawh ve tur zat belhkhawm chu cheng nuai 17.2 niin, bank aṭanga term loan an pek chhuah zat belhkhawm chu cheng nuai 327.7 a ni.

Central sorkarin a dona (margin money) belh khawm zat chu cheng nuai 120.7 a ni. PMEGP loan la tu mi 51-te’n an loan lak hmanga eizawnna an siamsak tur mihring zat an ziah chu mi 331 an ni.

Kum 2022-2023 chhung khan, kum hmasa aiin DIC, Lunglei hnuaiah PMEGP loan latu zat chu a tlem zawk. Mi 47 hnenah loan pek niin, heng mite project hlut zawng chu kum hmasa aiin a tam thung a, cheng nuai 536.5 a ni.

Kum 2022-23 hian DIC,Lunglei kaltlanga PMEGP loan la mi 47 ten an project a pawisa an thawh ve tur zat belhkhawm chu cheng nuai 26. 8 a ni.

Bank-in term loan pawisa a pek chhuah zat chu cheng nuai 509.6 niin, mi 47 te margin money belhkhawm chu cheng nuai 187.7 a ni. Loan la tu mi 47 ten eizawnna an siamsak theih tur zat an ziak belhkhawm chu mi 721 an ni.

Kum hnih chhung hian DIC,Lunglei kaltlanga PMEGP Loan late hi bank pali, SBI, MRB, MCAB, Canara leh IDBI bank-te’n loan an pe. Kum 2021-2022 ah SBI chuan mi 16 hnenah pe in, a pe tam ber a, MRB chuan mi 12 pein, Canara Bank in mi 1, MCAB in mi 13 leh IDBI Bank in mi 7 te a pe.

Kum 2022 – 2023 chhung khan MCAB chuan mi 17 hnenah PMEGP loan pein, a pe tam ber a, SBI chuan mi 11 hnenah pein, MRB chuan mi 9, Canara Bank-in mi pathum leh IDBI-in mi pasarih hnenah a pe.