Phalna nei loa khaw din 53

Local Administration Department (LAD) chhinchhiah danin, tun dinhmunah Mizoramah khua (V/C) 812, thlawh-bâwk (sub-village) 32 leh phalna nei loa khaw din 53 a awm.

Thlawhbâwk hi Ai-zawl district-ah pahnih, Lunglei district-ah 18, Mamit district-ah 11 leh Serchhip district-ah pakhat a awm.

Dan phal loha din khua hi Lunglei district-ah tam berin 145 a awm a, a tlem berna Serchhip district-ah khaw 49 a awm. Autonomous district council pathum huam chhungah khua 276 a awm a, thlawhbâwk a awm lo.

LAD minister PC Lalthanliana'n Assembly House a hrilh danin, phalna nei loa khaw dinte chu District Level Screening Committee on Unauthorized Settle-ment-in an dinhmun an enfiah a, an awmna V/C-te pawmpuinain tlawh-bâwkah pawm an ni ṭhin.

V/C-te phalna la loin, an ram chhungah tumah awmtir lo turin V/C-te hriat-tir an ni ṭhin a; mipui tana harsatna thlen thei nia hriatte chu an awmna chhuahsantir tura tih an ni.

Khaw awm zat

District Khua

Aizawl 95

Lunglei 145

Kolasib 52

Mamit 87

Champhai 108

Serchhip 49

LADC 100

MADC 93

CADC 83