Sihphir YMA-in Silai panga an man

Sihphir Branch YMA chuan ramngaw leh nung-cha humhalh beih-pui an thlak mek a; Inrinni khan ramvakte'n an tlanchhiatsan silai panga an man.

Sihphir YMA-te hian an khaw ram chhung-ah silai hmanga sa leh nungcha dangte pêl ṭhin an awm ṭhin tih hriain YMA hruaitute leh member eng emaw zat chu Inrinni khan ramhnuaiah an thawk chhuak a; YMA duty-te thâwm hriain Sihphir tlâk lam rama ramvâkte chu an tlanchhia a, silai (tukuli) an tlanchhiatsan pangate chu YMA duty-te chuan an khâwm a ni.

Sihphir YMA hruai-tute chuan, an khaw ram chhungah thing lian deuh-te zai ru ṭhin an awm tih an hriat thu sawiin, kut man tur erawh an la hmu fuh thei lo tih an sawi a; an khaw ram chhunga thingte zai tawh lo turin mi tin an hriattir a, zai lui an awm chuan a hmunah a ṭul anga an chinfel nghal a nih tur thu an puang.