Delhi-Lengpui flight a thlâwk ṭan

Nimin, Pathianni khan Delhi leh Lengpui inkara thlawk tur thlawhna a thlâwk ṭan a, ni tin a thlawk ṭhin ang.

GAD Aviation Wing aṭanga thu dawn dan-in, Delhi-Aizawl via Guwahati flight hi Jet Airways service tir a ni a, Boeing-737, 800 series niin, mi 168 an chuang thei. Nimina Lengpui Airport-a a ṭum hmasak ber lawm nan 'water salute' hmangin airport-ah lo lawm a ni.

Delhi-Aizawl via Guwahati flight hi Delhi aṭanga Lengpui Airport pan flight no. chu S24687 a ni a, Lengpui aṭanga thlawk chhuak chu S24690 a ni. Delhi
aṭangin chawhma dar 10-ah chhuakin, chawhnu dar 1:55-ah Lengpui Airport a thleng ang a, zan dar 6:30-ah Delhi a thleng leh ṭhin dawn a ni.