Ram kâng ṭum 1,109 awm

Kumin January 1 aṭanga March 21 thleng khan Mizoram hmun hrang hrangah ram kâng ṭum 1,109 a awm.

E&F department-a Chief Conservator of Forest sawi danin, Forest Sur-vey of India-in satellite aṭanga ram kâng awm dan a thawnnaah, January 2016 khan Mizo-ram-ah ram kâng a awm lo a; February thlaah ṭum 29 awmin, March thlaah ni 21 thlengin hmun 1,080-ah ram kàng a awm a ni.

March 15 khan kângmei a chhuak nasa ber a, hmun 283-ah kângmei a chhuak. Kângmei chhuakte chu lo hâl vang ni bera hriat a nih thu E&F hotute chuan an sawi.

Satellite aṭanga ram kâng report hi thing leh mau ding lai chauh kâng ni loin, vahchap kâng (lo hâl) pawh a tel thei nia thu dawn a ni.

Forest Survey of India-in report a rawn thawnte hi a hmunah DFO-te'n an enfiah zel a; ram kan chhan, a zau zawng, kâng chhe zat leh ṭul dangte chu PCCF-ah report an pe zel a ni.