Bangladesh aṭanga ran lak luh tlahniam

Kumin January leh February thla chhung khan Bangladesh aṭangin Tlabung kaltlangin ran 61 lak luh a ni. Ramri depa awm hnam hrangte inkarah boruak a ṭhat loh avangin kuminah Banglaesh aṭanga ran lak luh a tlahniam hle niin an sawi.

India leh Bangladesh inrîna, Khawthlangtuipui hmanga inkal-pawhna kaltlangin Bangladesh aṭangin ran chi hrang hrang lâk luh ṭhin a ni. Tlabunga AH &Vety department chhinchhiah danin, kum 2015 chhung khan Bangladesh aṭangin ran 471 lak luh a ni a, chung zingah chuan ui tam berin, 394 lâk luh a ni. Vawk 46 leh kêl 31 lâk luh a ni bawk.

Tunlai hian Bangladesh ram chin, India nena inrîna depa chêng hnam hrang inkárah boruak a ṭha lo a, hun dang aiin ramri leh a chhehvel boruak a rálmuang lo niin an sawi a; chuvang chuan ran lâk luh zât pawh tlahniam a ni. Ran bakah hian, thil dang lak luh pawh a tlahniam niin an sawi.