P&E-in phaiah MR bill Rs. 29,42,643 a bâ

Power & Electricity (P&E) department chuan, November 2015 thleng khan medical re-imbursement (MR) bill Rs. 29,42,643 an ba a; an batna tam ber chu Christian Medical College, Vellore a ni.

RTI Act hmanga Mizoram sorkar department hrang hranga phai lam damdawi-ina sorkar hnathawkte inenkawlna man an bat zat chu tun hnaiah Vanglaini-ah tarlan a ni tawh a; mahse RTI Act-in a sawi anga ni 30 chhunga chhanna pe lo eng emaw zat an awm avangin tarlan kim a ni lo.

Zawhna thehluh hun hi kum 2015 a ni a, November 2015 thlenga sum bat zat zawh a ni. A hun taka chhanna pe lo department eng emaw zat awmin, P&E department pawhin tun hnai khan chhanna an pe chhuak ve chauh a ni.

Zawhna chhannaa a lan danin, P&E department hian phai lam damdawi-ina sorkar hnathawk inenkawlna bá (credit bill) hriat theih chinah a awm kan hre lo, an tih laiin, sorkar hnathawkte’n phai damdawi-ina inenkawlna senso MR bill an pek theih loh thu leh, November 2015 thlenga refer case bika an dinhmun an tarlang thung. Phai lam damdawi-inah leibâ pek theih loh vangin damdawi-in lamin damlo an en theih tawh loh a awm an hriat loh thu an tarlang bawk.

P&E department-a circle leh office hrang hrang zingah - SLDC Circle, Chief Engineer (SO) office, Transmission Circle, Aizawl Power Circle, SLDC Division, Civil Project Division, Power Maintenance Division-II, Saiha Power Division, Lawngtlai Power Division, Champhai Power Circle, Khawzawl Power Division, Thermal Project Division, Serchhip Power Division-te’n phai lam damdawi-inah bá an nei lo a ni.

Nov. 2015 thlenga

P&E-in an batnate

Damdawi-in.               Bat zat

1. Christian Medical College, Vellore Rs. 9,14,679

2. TATA Hospital, Mumbai Rs. 1,98,930

3. Sri Sankara Deva Netralaya, Ghy Rs. 2,07,014

4. GNRC Hospital, Guwahati Rs. 5,73,978

5. Apollo Hospital, Chennai Rs. 1,59,554

6. Holy Angels Hospital, Delhi Rs. 15,453

7. Medica Superspeciality, Kolkata Rs. 55,946

8. Apollo Hospital, Ahmedabad Rs. 30,305

9. AMRI Hospital Kolkata Rs. 4,82,425

10. Downtown Hospital, Guwahati Rs. 1,04,124

11. Fortis Hospital, Kolkata Rs. 38,916

12. NEIGRIHMS, Shillong Rs. 11,200

13. Dr Baruah Cancer Institute, Ghy Rs. 82,162

14. Vinayak Hospital, Delhi Rs. 67,957

TOTAL Rs. 29,42,643