MLA inthlan neihna state pangaah phal loh cheng vbc. 1,760 hû man

Election Commission of India (ECI) chuan thuchhuah siamin, tun hnaia MLA inthlan neihna state pangaah inthlan puan a nih aṭangin dan phal loh thil cheng vbc. 1,760 hû man a nih thu an tarlang. Man zinga cheng vbc. 49.96 hû chu Mizorama man a ni.

ECI chuan tun hnaia inthlan neihna Mizoram, Madhya Pradesh, Chhat­tisgarh, Rajasthan leh Telangana-ah inthlan puan a nih aṭangin dan phal loh thil ngawrh taka vài a nih thu an tarlang a, "Kum 2018-a heng state pangaa MLA inthlan ṭum aia a let sariha tam dan phal loh thil man a ni. Kum 2018 kha chuan cheng vbc. 239.15 hû man a ni," an ti.