ITI chei ṭhat a ngai: LEIT Minister

Labour, Employment & Industrial Training (LEIT) minister Lalrin-mawia Ralte chuan, Mizo-rama industrial training institute (ITI)-te chu thuam ṭhat vek a ngaih tawh thu House a hrilh.

MNF member Lalruat-kima zawhna chhangin Lalrinmawia Ralte chuan, "Kan ITI hrim hrim hi upgrade an ngai tawh. Motor vehicle lam hi chu TATA-in an tihphuisui tur a ni. Sorkar laipuiin model ITI thlang turin min ti a, Aizawl kan thlang a, beisei angin an tiphuisui zung zung lo," a ti a; zirtirtu lamah pawh ITI hrang hrangte chu an indaih loh thu a sawi.

LEIT Minister chuan, kum 2014 aṭangin sorkar laipuiin an kalphung an thlâk avangin ITI aṭanga zir chhuakte'n certifcate an hmu lawk thei lo tih a sawi a, "MIS portal an siam a, result leh certifcate zawng zawng heta ṭanga lak tur a ni. Kum 2014 aṭang hian certifcate hi an la dah lo. Kan theihtawpin kan nawr ve ṭhin a, mahse kan tih theih piah lam a ni," a ti.