Sericulture minister Dr BD Chakma chuan, NLUP hnuaia pangang khawina atana ṭanpuina dawngtu, hna thawk ṭha lo an awm nia chanchinbua tarlan chu an chhui chian nghal thu a House a hrilh.
Zawhna zawttu, MNF member Lalruatkima chuan, tih tak zeta pang-ngai khawi ṭanpuina dawng lo an awm laiin, NLUP hnuaia pangngang khawi ṭanpuina dawng thawk zui lo chhungkaw 21 an awm chu ṭha lo a tih thu a sawi a; tih tak zeta thawktute ṭanpuina pek theih an nih leh nih loh a zawt a ni.
Sericulture Minister chuan, pangang khawi&nbsp;ṭanpuina dawng, chhun-zawm lo an awm tih chan-chinbu aṭanga a hriat veleh chhui chiang nghal turin department a hriattir tih a sawi a, "A hmun ngeiah an kal chilh a, an report NLUP hotute hnenah an thehlut dawn a ni," a ti.
Kum 2015-16 chhungin cocoon kg. 33,145.28 thar chhuah a ni tawh tih sawiin Dr BD Chakma chuan, "Cocoon thar chhuahte hi department-in a leisak zel a ni," a ti a; kut hnathawktute tana a awlsam zawkna atan district tinah Cocoon Purchasing Centre siam a nih thu a sawi.
Sericulture Minister tarlan danin, kum 2011-2016 chhung khan NLUP hnuaiah pangang khawia hmalakna atan cheng nuai 2,131 leh TKVY aṭangin cheng nuai 2,306.60 hmuh a ni tawh. NLUP hnuaia kum 2014-a hmuh cheng nuai 250 erawh K-deposit-ah dah a ni a, lak chhuah a la ni lo.