Lasap leh BRLF hotute an inkâwm

Thingtlang mite eizawnna kawng kawhhmuh tura sorkar laipuiin socie-ty a din, Bharat Rural Livelihood Foun-dation (BRLF) hotute chuan nimin khan Raj Bhavan-ah Governor Lt.Gen. Nirbhay Sharma an kâwm.

BRLF hotute chuan, an hmalakna leh thil tumte chu NLUP nena inang tak a nih thu an sawi a, Mizoram sorkar leh tlawmngai pawlte thawhpui theih ni se an duh thu Governor an hrilh.

Larsap chuan, Mizoramah tlawmngai pawl hrang hrangte'n sorkar an thlâwp ṭhat thu leh state mipuite hmasawnna tura an thawh hlâwk thu BRLF hotute a hrilh ve bawk.

BRLF hotute chuan, Mizorama thing-tlanga chengte'n eizawnna kawng dik an hriat theih nan an theihna leh thiamnate thawh ve an inhuam thu an sawi a ni.