Ramsa vanga thite Rs. 6,00,000 pe tawh

Environment & Forest department chuan, kum 2015-16 sorkar kum kal mek chhungin ramsa vanga nunna chán mi pathum hnenah zangnadawmna Rs. 6,00,000 leh ramsa vanga hliam mi 33 hnenah ṭanpuina Rs. 3,00,000 a pe tawh.

Chief Wildlife War-den aṭanga thu dawn danin, ramsa vanga nunna chánte chu zangnadawmna Rs. 2,00,000 ṭheuh pek an ni. Zangnadawmna pek-te chu - Muanthanga, Kolasib, rûl chuk vanga thi; Zatluanga Hnamte, Dampa Tiger Reserve-a khuai beih vanga thi leh, Dampa Tiger Reserve-a sanghalin a beih vanga thi Motilal Chakma, Silsury te an ni.

Kum 2015-16 chhung vek hian ramsain an hliam mi 33-te hnenah ṭanpuina Rs. 3,94,781 pek chhuah a ni tawh. Ramsain an hliamte zingah hian rûl chuk an tam ber a, savawm sehin dawtin, sanghal, keite leh khuai vanga hliam an awm bawk.

Sorkar kum kal mek chhung vek hian ran vulh lai ramsain a seh hlum 19 an awm a; ran neitute hnenah zangnadawmna Rs. 37,000 pek chhuah a ni. Ramsain huan thlai a tihchhiatsak mi 72 hnenah Rs. 1,68,219 pek chhuah a ni tawh bawk. 2015-16 chhunga ramsa vanga zangnadawmna leh ṭan-puina sum pek chhuah zawng zawng hi cheng nuai 12 a ni.