Champhaia sum chingpena hriat chhui tura ngenna thehlut

Champhai Kanan Venga leimin thenfaina leh thawm ṭhatna sum hman dik lo nia hriat leh, NMSA hnuaia AH&Vety department kaltlanga bawng vulh
ṭanpuina sum hman dik loh a awm nia hriat avangin PRISM, Champhai chuan chhui chiang tura ngenna an thehlut.

Champhai PRISM hruaitute'n Champhaia press mite an hrilh danin, Kanan Veng leimin thenfai leh siam ṭhatna sum hman dik loh a awm nia an hriat avangin chief vigilance officer Lalmalsawma, chief secretary hnenah March 28, 2016 khan ngenna an thawn a ni. Leimin thenfaina atana cheng nuai 40 ruahman aṭangin Rs. 19,55,000 vel a chingpen niin an tarlang. Leimin thenfaina atana hmanraw lam khawmtu ber chu VL Chama Hnamte a nih thu an sawi bawk.

PRISM hqrs. Champhai chuan, NMSA hnuaia AH&Vety kaltlanga bawng vulh ṭanpuina sem danah thil dik lo a awma an hriat avangin Anti Cor-rup-tion Bureau (ACB)-ah FIR an thehlut bawk.

PRISM chuan, Tlangsam, Zotlang leh Zote-ah chhungkaw pakhat tan Rs. 40,000 zel chhungkaw 30 hnenah sem anga tih a ni a; mahse, bawng vulh si lo ṭanpuina dawng nia hriat Tlangsamah mi 15, Zote-ah mi pali leh Zotlangah mi 12-te hming an ziak lang a ni.