Hàlpuah, hàlmawi leh a dangte hâl lo tura mipui ngen an rél

Nimina sorkar hotute leh páwl hruaitute ṭhukhawm chuan, kumin Krismas leh 2024 kum thar vuakvêtah hàlpuah, hâlmawi leh puak thei thil dangte hâl lo tura mipui ngen an rél.

Sorkar thuchhuah tarlan danin, ṭhut­khawmah hian hunpui thleng turah ruih theih thil te khauh taka khap a ṭul thu an sawi a; hâlpuah, hâlmawi leh puak thei thil dangte erawh khap tur zawnga rêl thu tarlan a ni lo a, hriselna atana thil pawi thei a nih avangin hâl lo tura mipui ngen ni se tihte rêl a ni, tia tarlan a ni.

Ṭhutkhawm hi chief secretary Dr Renu Sharma-i'n a kaihruai a; Home department, Environment, Forest and Climate Change department, Health department, Aizawl Municipal Corporation, Mizoram Pollution Control Board leh Aizawl DC pisa hotute leh tlawmngai pawl aiawhte an tel.

Chief Secretary chuan, hmalakna a hlawhtlin theih nan thawhhona a pawimawh thu a sawi a, ṭang tlâng turin mi tin a ngen a ni.