KCC campaign dan tur ngaihtuah

Lunglei district bawrhsap Ramdinliani kaihhruaiin nimin khan DC conference hall-ah Special District Consul­tative Committee on Ghar Ghar KCC Abhiyan an ṭhukhawm. KCC campaign dan tur leh ruahmanna siam dan turte sawiho a nih bakah, Lunglei district-a PMJJBY leh PMSBY hmalak dante tarlan a ni.

DC Ramdinliani chuan, sum leh paia hma­sawn theih nan sorkar laipuiin agriculture lam a ngai pawimawh tih a sawi a, "Kut hnathawktute leh agriculture sector-te an hlâwk theih nan Lunglei district-a khua zawng zawngah KCC kaltlanga short term agriculture loan hmanga saturate tum a ni. Sorkar laipui thil tum kan tihhlawhtlin a ngai a, chuvangin bank hrang hrangte'n PM Kisan beneficiaries list-a awm si, KCC la lote chu an ngaih pawimawh an ngai," a ti.