Lirthei chesualah thi

Lalhmudika (42), Hlimen, Aizawl chu November 20, Thawhṭanni zan dar 8:30 vel khan Manipur-a buhfai dah tura truck-a a kal chu Tuivawl leh Saichal inkarah chesualin, kawng thlangah a tlan liam a, a chetsualna hmunah a thi.

Chhiat tawh thu hriat a nih veleh Saichal khawtlang, Saitual Sub.Hqrs YMA hruaitute leh a hnuaia Disaster Management Committee, Saitual Police, Mizoram Truck Driver Association-ten chetsualna hmun hi an pan nghal. Lalhmudika hi truck-in a delh avangin lak chhuah theih a ni mai lo a, recovery van pathum hmangin ruang hi zanlaiah lak chhuah a ni.

Ruang hi Sub.Hqrs YMA Saitual Office-ah lumenpui niin, nimin zing khan postmortem a nih hnuah Hlimen panpui a ni. Truck-in a accident pui buhfai quintal 150 vel chu nimin khan Saichal khawtlangin an thiar chhuak.