Keifangah model centre hawn a ni

Ziak leh chhiar thiam tawh leh sikul kal chhunzawm mumal tawh lote tana hman ṭangkai tur Critical Life Skills & Occupational Skill Development Model Centre chu November 20, Thawhṭanni khan Keifangah School Education jt. director R Lalnunthari'n a hawng.

Lalnunthari chuan model centre hi adult education hmalaknain a huam zingah basic literacy mai ni lo, ziak leh chhiar thiam tawh leh sikul kal chhunzawm mumal tawh lo bakah, khawtlang mipui zinga thiamna chi hrang hrang zir chhunzawm duhte tana hmalakna a nih thu a sawi.

Model centre-ah hian trade chi hrang panga - Baking, Beauty Culture, Pickle & Jam making, Hair Cutting leh Shoe & Umbrella repairing zir theih a ni. Critical life skill huangah heng tunlai bank kalphung leh electronic transaction, disaster management, dan leh hrai etc. zir turin ruahman a ni bawk.

Course thlan chhuahte hi ni 15 aṭanga ni 60 chhunga zir chhuah theih tura ruahman a ni. Training chhuahah theory, practical exam leh viva neih zawah certificate pek chhuah an ni ang a, an zir chhung stipend pek an ni bawk ang.