Ruihhlo do awareness campaign

Bunghmun block development officer (BDO) H Lalramenga chuan nimin khan Bunghmun High School-ah Nasha Mukt Bharat Abhiyaan leh Mizoram sorkar hnuaia Ruihhlo Do Campaign kaltlanga buatsaih ruihhlo do awareness campaign a hawng.

Awareness campaign-ah hian Bunghmun H/S leh Thianbuka Higher Secondary School zirlaite an tel a, a hawnna inkhawm hi Bunghmun H/S headmaster JL Chuailova'n a kaihruai. BDO H Lalramenga'n ruihhloin mimal, khawtlang leh ram a nghawng dan hrang hrang a tarlang.

Bunghmun Police Station officer-in-charge B Lalhlimpuia'n ruihhlo kaihhnawih bakah hmeichhia leh naupang humhalhna dan leh hraite a sawifiah a; Bunghmun YMA president Ngurhmingliana Sailo ruihhlo chungchanga zirlaite hriat tur pawimawhte a sawi bawk.